تحدث نادر شوقي وكيل أعمال الراحل أحمد رفعت نجم الفريق الأول لكرة القدم بنادي مودرن سبورت ومنتخب مصر عن تطورات جديدة بشأن ما حدث مع موكله أثناء سفره للإمارات للاحتراف.
وقال نادر شوقي ردا على تصريحات محمد رشوان: “كابتن عبد الظاهر السقا مالوش علاقة خالص باللى حصل لـ أحمد رفعت بتمنى المحامي يراجع اوراقه تانى”.
وكان محمد رشوان محامي أحمد رفعت قد صرح ببرنامج الكورة مع فايق: “الشخص الثاني المسؤول الذي كان يقصده احمد رفعت هو كابتن عبد الظاهر السقا مدير الكرة لفيوتشر”.
وكان أحمد رفعت قد سقط على الأرض مغشيا عليه أثناء مشاركته بمباراة فريقه مودرن سبورت مع الاتحاد السكندري بشهر مارس الماضي وتعرضه لأزمة قلبية ودخوله بغيبوبة لفترة طويلة وخضع لعدة عمليات وظل بالمستشفى ثم خرج وتعافى وعاد للحياة وظهر ضيفا مع الإعلامي إبراهيم فايق.
وكان اخر حديث له معه حيث قال: “أرغب في استكمال مسيرتي الكروية لأن سني لسه صغير وأقدر أعمل ده، والدكتور قالي هرجع ألعب كرة تاني. “
واختتم: “أي بني آدم لازم يبقى فاهم إنه في لحظة ممكن ميبقاش موجود، مش هيبتقى غير إنك بني آدم كويس، إزاي بتتعامل، إزاي بتؤدي الحياة المطلوب تعملها، ومتكونش شخص مؤذي، وارد في أي وقت أي حد ميبقاش موجود، حصلت وأنا في الملعب وأنا بجري، مش حادثة مش مشكلة، أكتر بتفضل هي السيرة، واللي انت بتعمله في حياتك”.
